Во првите осум месеци од годинава извозот 2,889 милијарди долари

Државниот завод за статистика ги објави новите податоци за трговската размена на земјава со странство за осум месеци од годинава. Во однос на истиот период лани, размената е помала за речиси милијарда долари, но затоа е поизбалансирана, а покриеноста на увозот со извозот достигна 70 проценти.

Најмногу извезуваме катализатори на носачи на благородни метали, како резултат на работата на Џонсон Мети, потоа фероникел, сетови проводници за палење, повторно како резултат на работата на компаниите од зоните, производи од железо и челик.

Во увозот доминира платината, потоа нафтата и струјата. Повеќе од половина од вкупната размена отпаѓа на Германија, Британија, Србија, Грција и Бугарија.

Наш најзначаен трговски партнер е Германија, а размената со оваа земја, мерена во евра, е зголемена за речиси 17 проценти.