Кривични пријави за двајца адвокати од Штип

МВР било оштетено со 5,6 милиони денари откако двајца штипски адвокати фалсификувале потписи на 124-ца полицајци за да ги застапуваат во спор против Mинистерството.

Адвокатите заработиле кривични пријави за злоупотреба на службената положба и овластување, злоупотреба на лични податоци и за фалсификување исправа.

Адвокатката фалсификувала документи за уплата на пензиско и инвалидско осигурување, како и за додаток на плата. А, второпријавениот, адвокатот кој веќе има криминално досие, фалсификувал полномоштва за наводна правна помош за 106 полицајци.