Се стабилизира производството на тутун, зголемениот квалитет носи и повисока цена
Како што рече на прес-конференција Васко Ристовски од Комората, стабилно и квалитетно производство е во интерес и на производителите и на откупните компании...
Се стабилизира производството на тутун – велат од Стопанската комора. Количините се намалуваат, но се зголемува квалитетот, а ова им одговара и на производителите и на откупувачите. Зголемениот квалитет носи и повисока цена.
Како што рече на прес-конференција Васко Ристовски од Комората, стабилно и квалитетно производство е во интерес и на производителите и на откупните компании.
За претстојната реколта се склучени 28.454 договори за откуп што е 6.000 или околу 20 проценти помалку во однос на претходната 2014/2015 година коа беа потпишани 34.500. Во 2013-та, пак, биле склучени 42.367 договори за откуп.
Производство на квалитетен тутун е крајна цел и на производителите и на откупувачите, во спротивно ќе губат и едни и други, нагласи Ристовски.