Вонреден состанок на министрите за внатрешни работи на ЕУ

Министрите за внатрешни работи на државите членки на ЕУ ќе имаат денеска состанок во Брисел на кој ќе разговараат за безбедносните предизвици по нападите во Париз.

Соочени со варваризам и тероризам, Европа мора да биде обединета со Франција, изјави Етјен Шнејдер, министер за внатрешни работи на Луксембург.

Во соопштение се вели дека одлуката за одржување на вонредниот состанок е донесена во договор со француските власти. Цел на состанокот е да се обезбеди „силен и обединет одговор на Европа“, се додава во соопштението.