Саудиска Aрабија ги прекина односите со Иран

Саудиска Арабија соопшти дека ги прекинува односите со Иран поради упадот во Саудиската Амбасада во Техеран.

На персоналот на иранската дипломатска мисија им е даден рок од 48 часа да ја напуштат земјата. Саудиска Арабија погуби 47 луѓе осудени за тероризам, вклучувајќи го и истакнатиот шиитски свештеник Ал Нимра којшто беше централна личност во 2011-та година во демонстрациите против режимот инспириран од Арапската пролет.

Иранскиот заменик- министер за надворешни работи изјави дека со прекинот на дипломатските односи Саудиска Арабија не може да ја „прикрие големата грешка со погубувањето“ на истакнатиот шиитски свештеник.

САД упатија апел за намалување на тензиите до лидерите на Блискиот Исток и побараа од Саудиската Арабија да ги почитува човековите права.