Суспендирани одлуките за разрешување 15 директори

Управниот суд донесе привремена мерка за суспендирање на одлуката на техничката министерка за труд и социјална политика, Фросина Ременски, за разрешување на 15 директори на Центрите за социјална работа и јавните установи.

По одлуката, сите директори ќе бидат вратени на работа.

Заменик- министерот Диме Спасов, поднесе тужба за незаконско постапување, додека Ременски тврдеше дека разрешувањето е законско и дека не е во корист на партиските интереси.