ПРАВИЛНИК за изменување и дополнување на Правилникот за техничките и организациските мерки за обезбедување тајност и заштита на обработка на личните податоци

П  Р  А  В  И  Л  Н  И  К

 

за изменување и дополнување на

Правилникот за техничките и организациските

мерки за обезбедување тајност и заштита на

обработка на личните податоци

 

Скопје, март 2012 година

 

 

 

            Врз основа на член 23 став 4 од Законот за заштита на личните податоци (Службен весник на Република Македонија бр.7/05 и 103/08), Управниот одбор на ЈП МРТ на 19-та седница одржана на 30.03.2012 година, донесе

 

 

 

П  Р  А  В  И  Л  Н  И  К

за изменување и дополнување на Правилникот за техничките

и организациските мерки за обезбедување тајност и заштита

на обработка на личните податоци

 

 

Член 1

Во Правилникот за техничките и организациските мерки за обезбедување тајност и заштита на обработка на личните податоци бр.02-7945/1 од 30.12.2011 година зборот “корисник“ се заменува со зборовите “овластено лице“, а зборовите одговорно лице за заштита на личните податоци се заменуваат со зборовите “офицер  за заштита на личните податоци“

 

Член 2

Во членот 3, став 1 по алинеата 2 се додава нова алинеа 3 која гласи:  

              “- високо ниво“.

 

Член 3

            Во членот 3 по ставот 2 се додаваат два нови става 3 и 4 кои гласат:

            “За документи кои содржат матичен број на граѓанинот задолжително се применуваат техничките и организациските мерки кои се класифицираат на основно и средно ниво.

            За документите кои се пренесуваат преку електронско комуникациска мрежа, а содржат посебни категории на лични податоци и/или матичен број на граѓанинот задолжително се применуваат технички и организациски мерки кои се класифицираат на основно, средно и високо ниво“.

 

Член 4

            По членот 3 се додава нов член 3-а кој гласи:

                      “Контролорот врши евидентирање и ја чува целокупната документација за софтверските програми за обработка на личните податоци и сите негови промени“.

 

Член 5

            По член 8, став 1, алинеата 1 се менува и гласи:

                   “-Правила за определување на обврските и одговорностите на администраторот на информацискиот систем и овластените лица“.

 

Член 6

            По член 14 се додаваат 4 (четири)  нови членови “14 а, 14 б, 14 в, 14 г, кои гласат:

Член 14-а

            Обврските и одговорностите на секое овластено лице кое има пристап до личните податоци и обврските и одговорностите на администраторот на информацискиот пристап се дефинирани и утврдени во Правилата за определување на обврските и одговорностите на администраторот на информацискиот систем и овластените лица.

 

Член 14-б

            Начинот на евидентирање на секој инцидент времето кога се појавил, корисникот кој го пријавил, на кого е пријавен и превземените мерки се уредени со Правилата за пријавување, реакција и санирање на инциденти.

 

Член 14-в

            Постапките и процедурите за управувањето, уништувањето како и за бришењето или чистењето на медиумот се определени со Правила на начинот на уништување на документите, како и за начинот на уништување, бришење и чистење на медиумите.

 

Член 14-г

            Постапките и процедурите на правење на сигурносни копии како и начинот на чување се регулирани во Правила за начинот на правење на сигурносна копија, архивирање и чување, како и за повторно враќање на зачуваните лични податоци.

 

Член 7

            Правилникот за изменување и дополнување на Правилникот за техничките и организациските мерки за обезбедување тајност и заштита на обработка на личните податоци влегува во сила со денот на донесувањето.

 

 

 

 

 

 

 

 

                                                                        УПРАВЕН ОДБОР НА ЈП МРТ

                                                                                      ПРЕТСЕДАТЕЛ

                                                                                Дарко Стефановски