Се преврте автобус кај Ранковце, повредени 26 патници

Синоќа на магистралниот пат Куманово- Крива Паланка, кај селото Опила, Општина Ранковце, 48-годишен возач на бугарски автобус изгубил контрола  врз возилото, излегол надвор од коловозот и слетал на земјена површина. Автобусот удрил во дрво и се превртел.

Од 45-те патници, 26 лица се повредени, од кои петмина се здобиле со потешки повреди. Им била укажана лекарска помош и се задржани на лекување во Медицинскиот центар во Крива Паланка.

МВР ја потврди сообраќајката и работи на утврдување на причините за несреќата.