Уапсени над 160 лица во немирите во Истанбул

Полицијата во Истанбул уапси повеќе од 160 лица, од кои 8 малолетници поради учество во недозволени протести по повод курдската нова година - Невруз.

Според полицијата, уапсени лица палеле автомобилски гуми, поставувале барикади и врз полицијата фрлале камења, петарди и молотови коктели.

Во акциите биле одземени 150 молотови коктели, рачно изработена бомба и други запаливи материјали.

Турските власти оваа година го забранија прославувањето на Невруз во многу градови поради безбедносни причини.