Савченко почна штрајк со глад и жед

Украинскиот пилот Надја Савченко, којашто рускиот суд ја осуди на 22 години затвор поради убиството на двајца руски новинари, почна штрајк со глад и со жед.

Таа бара да биде вратена во Украина. Тврди дека не е виновна, но одби да ја обжали пресудата  изјавувајќи дека не го признава авторитетот на рускиот правен систем.

Савченко која стана национален херој во Украина и е избрана како член на парламентот во отсуство моментално се наоѓа во притворска единица во Јужна Русија.

Нејзиниот случај предизвика остри реакции од ЕУ и од Вашингтон кои побараа нејзино ослободување.