Температурните разлики- шок за организмот, на удар хронично болните

Температурните разлики - шок за организмот, на удар се хронично болните. Влијаат и врз целосното расположение на луѓето.

Тимот на брзата помош регистрира и по 100 интервенции на ден. Лекарите велат-  промените се најопасни за оние со нарушено здравје. Единствен спас се терапијата и редовните контроли.

Синоптичарите велат дека температурните разлики ќе продолжат и во наредните денови. Утринските ќе паднат под нулата, дневните над 15-от степен.

Универзитетските професори велат дека поради климатските промени нѐ очекува и променливо лето. Во јуни и јули ќе има повисоки температури, за август се очекува нестабилно време со врнежи од дожд.

Невообичаеното променливо време ќе продолжи, а професорот Спиридонов вели дека последиците од климатските промени граѓаните ќе ги чувствуваат во секојдневниот живот.

Викторија Милевска