Спасов: 12 илјади евра за отворање приватни старски домови

Огласот за изградба на десет нови приватни домови за стари лица сѐ уште трае. Државата ќе нуди неповратни грантови  во износ од 12.000 евра.  Домовите треба да имаат капацитет од најмалку 40 легла и да имаат четворица вработени.

Станува збор за грант неповратни стредства во висина од 12 илјади евра за отворање приватен дом за стари лица, изјави заменик-министерот за труд и социјална политика Диме Спасов.

Појасни дека за годинава се обезбедени средства во висина од околу 7,4 милиони денари со кои ќе се отворат десет приватни домови за стари лица. Со тоа, рече, ќе се создадат дополнителни капацитети за 400 до 500 стари лица кои би се згрижиле во домовите и би се отвориле 40-50 нови работни места.

Досега, според Спасов, во државата работат 17 приватни домови за стари лица.