Ќе се реставрира манастирскиот комплекс „Свети Атанасиј“ во Лешок

Националниот конзерваторски центар ќе го реализира проектот за реставрација на манастирскиот комплекс „Свети Атанасиј“ во Лешок. Во план е да се отстрани влагата, да се обнови внатрешноста од конаците и старата манастирска црква. Од Македонската православна црква – охридска архиепископија очекуваат да се врати монашкиот живот на ова духовно место.

Во план е проектот да се изработи годинава, а реализацијата да почне идната – рече министерката за култура.

Во најголемиот духовен комплекс во Тетовско се наоѓаат црквите „Св. Атанасиј“ и „Св. Богородица“, како и гробот и спомен- собата на еден од најпознатите македонски преродбеници, Кирил Пејчиновиќ.

Освен историската вредност на храмот, вниманието на посетителите го привлекува фреската „Страшниот суд“ и обликуваниот симбол со тули „Сонцето на кутлеш“ кој се наоѓа на влезната врата.

Александра Перевска