ЕК задоволна од одлуката на Иванов

Европската Комисија задоволна од одлуката на Иванов за укинување на сите аболиции. Брисел бара политичарите да се вратат на преговарачка маса, бидејки Унијата смета дека одговорноста е во нивни раце.

„Ја видовте реакцијата на еврокомесарот Јоханес Хан. Тој многу експлицитно ја поздрави одлуката конечно да се укинат сите одлуки за помилувања. Ова е чекор што ќе овозможи спроведување на правдата и продолжување на работата од страна на специјалниот обвинител. Јасно е дека многу време беше загубено и сега е поитно од кога било, политичките лидери да се вратат на маса со цел да го имплементираат договорот од Пржино на еден инклузивен начин. Исто така, потребна е брза и кредибилна акција за спроведување на итните реформи приоритети, за земјата да се врати на вистинскиот пат кон владеење на правото и евро-атлантската интеграција. Направен е еден чекор, но треба да се направат уште  многу чекори. Пржинскиот договор е клучот. Европската унија е подготвена да олеснува, но главната одговорност лежи кај политичките лидери на земјата“, изјави портпаролката Маја Коцијанчич.