Мигранти
Домино ефект со илегалците
28.01.2014 15:38
Брзи промени во миграциските текови преку земјите од Западен Балкан
Брзи промени во миграциските текови преку земјите од Западен Балкан. Постои тренд на пораст на илегалци кои од Африка, Азија и Средниот Исток, преку Турција и Грција влегуваат во Македонија, а крајни дестинации им се САД, Европа и Русија. Мигрантите порано влегувале пеш, преку тешкопроодни патеки. Сега користат и автомобили, камиони и возови.
Се јавуваат транснационални организирани групи кои за одреден надомест гарантираат дека лицето ќе дојде до посакуваната дестинација , вели Магдалена Лембовска – истражувач во Аналитика
Истражувачкиот центар Аналитика со препораки да се подигне свеста кај граѓаните дека помагањето и обезбедувањето нелегален престој е кривично дело и да се едуцираат таксистите и возачите на автобуси за последиците од криење
илегални мигранти. Полицијата најлесно ги лоцираа со специјално возило за визуелно набљудување.
Утврдување на постојните и откривање нови точки на границата, прераспоредување на средствата во зависност од тековните трендови и добиените информации, соработка меѓу регионалните центри со МВР и со другите министерства, нагласи Никола Мирчевски – виш полициски советник во МВР.
Мигрантите најчесто се враќаат во земјите од каде што дошле. Соработката со Грција не е задоволителна.
Неопходно е вклучување и интегрирано дејствување и на земјите што се посочени како каналин по кои се случува проблемот на нерегуларна миграција , а се мисли на Турција , Грција, Бугарија потенцира професорот Трпе Стојановски – директор на МАРРИ Регионален центар.
Мигрантите нелегално ги поминуваат границите од економски причини или војна во нивните држави.
Наташа Гркова-Петрушевска