Повик за меѓународна обука за млади лидери
Обуката ќе се одржи од 14-ти до 26-ти август во Охрид. Програмата е наменета за млади луѓе со завршено високо образование, кои имаат желба преку нивните лидерски вештини да придонесат за позитивен развој на општеството.
Во тек е конкурсот за седмата меѓународна обука за млади лидери- соопштуваат од Кабинетот на Иванов. Обуката ќе се одржи од 14-ти до 26-ти август во Охрид. Програмата е наменета за млади луѓе со завршено високо образование, кои имаат желба преку нивните лидерски вештини да придонесат за позитивен развој на општеството.
Предвидени се предавања и практични вежби за лидерство, со предавачи од земјава и странство, а наставата се одвива на македонски и на англиски јазик.
Конкурсот трае до 17-ти јуни. Апликантите на додипломските студии треба да имаат просек од најмалку 8,5, одлично да го владеат англискиот јазик, а работното искуство се смета за предност.