Со климатските промени, расте опасноста од ширење на нови заразни болести кај добитокот
Со промена на климата се зголемува и опасноста од ширење нови заразни болести kaj добитокот кој досега ги немало кај нас. Таков е примерот со синиот јазик, кој направи големи штети во овчарството, а годинава и со јазлестата кожа кај говедата.
Климатски промени и движењето на дивите животни може да влијаат на појавата и пренесувањето на сериозни заразни болести кај добитокот,како што се птичјиот грип, беснилото и чумата кај свињите.
Пример за ваквото влијанието на климатските промени е и појавата на синиот јазик, западно нилската треска и јазлестата кожа која е карактеристична за африканското поднебје.
За заштита на домашните животни од овие болести ветеринарните служби работат и преземаат мерки согласно меѓународните стандарди и практики.
Во текот на неделава се очекува да пристигнат и набавените вакцини за целосното вакцинирање на популација на говедата кај нас од болеста јазлеста кожа.
Методија Трајков