Донесен законот за универзитетот „Дамјан Груев“
Изгласан законот за основање нов државен универзитет „Дамјан Груев“. Независната пратеничка Солза Грчева смета дека оваа установа негативно ќе влијае врз образованието. Заменик- министерот Ристовски со одговор, дека основањето на универзитетот значително ќе го подобри квалитетот на идните кадри...
Македонија ќе добие новa високо- образовна установа. Донесен е законот за основање на Универзитетот за национална одбрана, безбедност и мир „Дамјан Груев“ во Скопје. Според независната пратеничка Солза Грчева, Универзитетот негативно ќе влијае врз образованието, ќе создава хиперпродукција на кадар.
Координаторот на пратеничката група на ВМРО-ДПМНЕ Илија Димовски одговори дека новиот универзитет ќе го разбие монополот на некои факултети.
Заменик-министерот за образование, Спиро Ристовски истакна дека основањето на Универзитетот ќе има значење за квалитетот на целокупниот развој на земјава.
Ристовски вели дека почетокот на работењето на новиот Универзитет од 2016-2017 година е реално, бидејќи Воената академија, Воздухопловната школа и делот од Институтот за командни и штабни функции, кои веќе работат, ќе се интегрираат во новиот Унивезитет.
Наташа Јанчиќ