Почна изградбата на рударскиот комплекс во Казандол, највени нови 250 вработувања

Почна изградбата на рударскиот комплекс во Казандол, Валандово. Инвестицијата е проценета на 35 милиони евра. На изградбата и претходеа двегодишни анализи и истражувања од компанијата Сардич. Во првите седум години се очекуваат приходи близу до 135 милиони евра.

Во фабриката што ќе се изгради ќе бидат ангажирани директно 100 луѓе, а во целиот комплeкс 250. Потврдени се резерви од 33 милиони тони руда. Се очекува 20 години експлоатација. Капацитетот на рудникот е 4 илјади тони катоден бакар. Ќе биде вградена современа технологија од финска фирма за да се спречи негативното влијание врз животната средина.

Ова е прва фаза на проектот. Со отворање на следниот рудник е планирано и отворање дополнителен погон за преработка на катодите во бакарни цевки и валана жица. Се очекува производството на првите бакарни катоди да почне за една година.

Производите ќе се пласираат на европскиот пазар. Покрај концесијата за Казандол, компанијата има концесија и за Петрошница и за Плавуш.

Наташа Гркова- Петрушевска