Десет години од основањето на Комисијата за заштита на правото за слободен пристап до информации

Комисијата за заштита на правотo за слободен пристап до информациите од јавен карактер го одбележи 10 годишниот јубилеј од своето основање. Со тоа даде и своевиден придонес во одбележувањето на меѓународниот ден што се одвива под мотото „Имам право да знам“, а што го симболизира глобалното движење за промоција на правото на пристап до информациите.

Првиот човек на Комисијата, Сламков, во своето обраќање образложи дека колку е поголема транспарентноста на работењето на институциите толку е помала веројатноста за корупција.

Спикерот Вељаноски, пак, во оваа прилика апелираше до институциите и пред сѐ Собранието за доследно почитување на своите обврски кога станува забор за слободен пристап до информациите од јавен карактер.