Собранието ќе расправа за продолжување на кризната состојба

Собранието ќе расправа за продолжување на рокот на кризната состојба на јужната граница поради зголемен обем на влез и транзитирање на мигранти. Членовите на Комисијата за одбрана и безбедност дадоа зелено светло за владината предлог-одлука.

Целта е, вели министерот за одбрана, да се обезбеди и континуитет во вршењето на активностите на Армијата и на полицијата во функција на обезбедување, заштита и чување на државната граница.

На дневен ред пред пратениците меѓу другите точки и предлозите за избор на член на Судскиот совет на Република Македонија и за избор на заменици на Народниот правобранител.