Дополнителен рок за субвенции за нови лозови и овошни насади
Дополнителен рок за пријавување за субвенции за нови лозови и овошни насади. Поднесувањето на барањата трае од 15 до 31 октомври. Земјоделците кои ќе инвестираат во ова производство ќе добиваат до 2,5 милиони денари финансиска поддршка.
До 31-ви октомври лозарите и овоштарите ќе можат електронски да аплицираат за финансирање на нови насади подигнати од 1-ви јануари до 30-ти септември 2016-та година.
Субвенциите се од 50 до 75 проценти во зависност од возраста на земјоделецот и местото каде што се наоѓаат насадите.
Право на овие пари имаат евидентираните земјоделци со површина од најмалку половина хектар.
Треба да имаат и агрохемиска анализа на почвата и платена водарина и пашарина.
Барателите кои ги исполниле условите за користење на средства се рангираат со бодување, а оние со ист број на бодови ќе се рангираат според датумот и времето на поднесување на барањето.
Методија Трајков