Меѓународен научен собир во МАНУ посветен на Свети Климент Охридски
На собирот, што се одржува во време кога одбележуваме 1.100 години од упокојувањето на Свети Климент, присутни се 40 научници од 10 држави.
Македонската академија на науките и уметностите организираше научен собир – „Милениумското зрачење на Свети Климент Охридски, сесловенски учител, просветител, мисионер и духовник“.
На собирот, што се одржува во време кога одбележуваме 1.100 години од упокојувањето на Свети Климент, присутни се 40 научници од 10 држави.
Предвидени се две работни сесии „Книжевност, јазик и литература“ и „Историја, теологија, археологија и историја на уметноста“.
На научниот собир учествуваат научни работници од Македонија и научници од Руската Федерација, Чешка Република, Словачка Република, Украина, Република Литванија и Република Бугарија.