Николовски: Не се користи ИСАК системот за исплата на субвенции
Тврди дека ревизорот констатирал неправилности во софтверот за директни плаќања на субвенции, како и одобрување на неавторизирани налози за исплата, кои ги намало во прегледот на донесени решенија за исплата.
Дополнителниот заменик- министер за земјоделство, Љупчо Николовски, обвини за злоупотреби во министерството. Тврди дека ревизорот констатирал неправилности во софтверот за директни плаќања на субвенции, како и одобрување на неавторизирани налози за исплата, кои ги намало во прегледот на донесени решенија за исплата.
Дали токму нефункционалноста на овој систем за кој се платени 778.000 евра средства од граѓаните за да се овозможи администрација и контрола на исплаќање на субвенциите на земјоделците, е токму причината за селективниот и клиентелистички пристап во распределба на субвенциите? Зошто ова се случува во период кога имавме локални, претседателски и парламентарни избори? Земјоделците имаат право да ја знаат вистината. Во нивно име и со нивни пари се правени големи злоупотреби- обвини Николовски.