„Повелба на Република Македонија“ за Асоцијацијата на здруженија на инеженери
Претседателот Иванов ја награди Асоцијацијата на здруженијата на инеженери. Го додели признанието „Повелба на Република Македонија“ за постигнатите резултати во оваа област.
Новата епоха на технолошки пронајдоци носи предизвици и за Македонија која доколку сака да држи чекор со светските развојни трендови треба да биде генератор на образовна и креативна научна и инженерска сила. Претседателот Иванов со порака до македонските инженери на Меѓународниот ден на науката.
„Не е доволно Македонија да биде само корисник на научните пронајдоци и техничките решенија од светот. За да можеме да обезбедиме раст на нашата економија и напредок на нашето општество, потребно е и ние да сме дел од тие решенија“, рече Иванов.
Подобри закони, создавање услови за задржување на младите, изградба на нови стратешки објекти – патишта, фабрики и електрани, енергетски ефикасни згради. Ова, според инженерите, се клучните фактори за економски развој на земјава.
Дека инженерската професија е се повеќе атрактивна, доказ е големиот број на запишани студенти на овие факултети, вели професорот Алексовски. Тврди дека во земјава нема невработени градежни инженери.
По повод меѓународниот ден на науката претседателот Ѓорѓи Иванов и додели Повелба на Република Македонија на Инженерската институција.
Дијана Ценевска