Трамп: Обама стои зад протестите против Републиканците

Претседателот Доналд Трамп верува дека неговиот поранешен колега Барак Обама стои зад протекувањето документи во неговата администрација и зад гневните протести со кои се соопчуваат Републиканците низ целата земја.

Во интервју за „Фокс њуз“ Трамп рече дека не е изненаден од тој факт и истакна дека ги менува работите што сакал да ги промени неговиот претходник. Додаде дека е порешителен од Обама во однос прашањето за депортација од земјата на секој што нелегално престојува во сад.

Тој зборуваше и за протекувањето информации во Белата куќа. Според него, зад тоа исто така стојат луѓе лојални на Барак Обама. Нагласи дека тоа е штетно за националната безбедност, но, дека сепак не дошло до значајно протекување информации.

Трамп изрази и уверување дека зголемувањето на воениот буџет на сад од дополнителни 54 милијарди долари ќе биде надоместен со посилна економија и со намалувања во други области.

Истражувањата покажуваат дека рејтингот за ефикасноста на работата на претседателот Трамп е на историски најниско ниво. Пспоред последните анкети, 55% од американските гласачи не ја одобруваат работата наамериканскиот претседател.

Марина Автовска