Зголемено учество на микро фирми во јавните набавки

Подобрување на институционалната рамка, промена на начинот на кој се спроведуваат јавните набваки, економски најповолна понуда, наместо најниска цена, воведување прекршочниодредби. По спроведените истражувања и мониторинг Центарот за граѓански комуникации со предлог- за унапредување на системот, потребен е нов Закон за јавни набавки, храмонизиран со европската регулатива што ќе го олесни и учеството на малите и микро претпријатија.

„Во рамки на дозволеното, да се делат тендерите, што е законски, да се бара помалку документација, комуникацијата да се подобри, роковите да се продолжат, значи измени во праксата на делување на договорните органи за да ги направт набавките отворени и за овие фирми, и да има прекршочни мерки, бидејќи сега има само кривични одредби и тие да се стават каде што им е место во кривичниот закон“, вели Герман Филков, од Центарот за граѓански комуникации.

1.400 институции на локално и национално ниво го спроведуваат Законот за јавни набавки. Во реализација на 20-тина илјади договори годишно учествуваат 4.800 фирми, се зголемува и учество на мали и микро претпријатија. Со поддршка на УСАИД во изминатите три години беа спроведени низа обуки за учество и пристап на тендерите.

„На пример 700 претпријатија коишто со помош на овој проект беа обуечни како да учествуваат во јавните набавки, направија договори тешки 6 милиони евра, што значи дека нивното учество е веќе зголемено“, посочува Џејмс Стаин од УСАИД.

Обемот на јавните набавки на годишно ниво изнесува речиси милијарда евра што е 12 насто од бруто домашниот производ. Државата за оваа намена троши третина од буџетските средства, стои во истражувањата на Центарот за граѓански комуникации.

Сузана Фиданска- Стоевска