„Спејс Икс“ првпат во историјата лансираше веќе рециклирана ракета

Компанијата „Спејс икс“ повторно влезе во историјата со лансирање на веќе користена ракета. „Фалкон 9“,  лансиран од Флорида, во орбитата однесе комуникациски сателит.

Директорот и сопственик на „Спејс икс“ Илон Маск потенцира дека ова е огромен чекор за вселенската индустрија.

Компанијата досега на Земјата успешно врати осум такви ракети, при што пет слетаа во океан, а три на копно. Крајна цел на сето ова е намалување на трошоците на лансирање.