Адеми: Итни реформи за враќање на европскиот пат

Македонија нема друга алтернатива, мора да се врати на патот кон европските вредности, заклучок од дебатата на Филозофскиот факултет по повод 9-ти мај, Денот на Европа. Според вицепремиерот за европски прашања, Адеми на земјава ѝ се потребни итни реформи за да се врати на европскиот пат.

„ЕУ е спремна да носи одлука во насока на проширувањето, да ги надминува внатрешните пречки и да отовори пат за европска, просперитетна и реформска Македонија. Покрај сите предизвици, лично сум убеден дека можеме и дека ќе ги спроведеме потребните реформи, колку тие да се болни, и дека  ќе ја вратиме земјата назад на европскиот пат, каде што и заслужува да биде“, рече вицепремиерот Адеми.

Иако и европското семејството се соочува со низа проблеми, тоа е сепак иднината на граѓаните на Македонија, рекоа говорниците.