СДСМ: Новата реформска влада е потреба за граѓаните

Граѓаните на Република Македонија ја очекуваат новата реформска влада, и конечно да почнат промените за добар и достоинствен живот за сите, велат од СДСМ.

Од партијата ги најавија првите мерки, зголемување на минималната плата, укинување на радиодифузната такса, дневна и викенд ефтина тарифа на струјата.

Ѓорге Иванов мора да го додели мандатот за составување влада. Мнозинството граѓани одбраа промени и гласаа за програмата на новата влада, која ја штити унитарноста на државата, стои во дописот.

Формирањето нова влада и спроведувањето на реформските приоритети е врвен државен интерес, и секое постапување против државните интереси е кривично дело.

Апелираме до сите да постапуваат разумно и законски, за да се овозможи мирен и сигурен трансфер на власта, се вели во соопштението на СДСМ.