ВМРО-ДПМНЕ: Министерот Спасовски спроведува двојни аршини
Според партијата, против полициските службеници кои не примениле сила при демолирањето, палењето и ограбувањето на канцеларијата на претседателот во центарот на Скопје немаше никаква постапка...
Прес-конференцијата на министерот за внатрешни работи Оливер Спасовски е врв на лицемерието и двојните аршини, реакција од ВМРО-ДПМНЕ.
Според партијата, против полициските службеници кои не примениле сила при демолирањето, палењето и ограбувањето на канцеларијата на претседателот во центарот на Скопје немаше никаква постапка, а против полицајците кои на 27-ми април кои постапиле на истиот начин, сега се водат постапки.
На физичкото насилство му претходеше политичко насилство. Одговорност мора да има и за политичкото насилство, велат од ВМРО-ДПМНЕ.
Во писмената реакцијата бараат од Јавното обвинителство да не подлегнува на притисоците и заканите од СДСМ и да продолжи да постапува професионално, согласно Уставот и законите.