Препораки од АХВ за заштита на животните и домашните миленици од високи температури
На животните да им се обезбеди доволна количина и постојана достапност до свежа и чиста вода, да се држат во проветрени простории, да се внимава на густината на сместување на животните во објектите и да бидат заштитени од директните дејства на сончеви зрачења, информираат од АХВ.
Агенција за храна и ветеринарство со препораки за заштита на животните и домашните миленици за да се спречат несакани појави како резултат на високите температури.
На животните да им се обезбеди доволна количина и постојана достапност до свежа и чиста вода, да се држат во проветрени простории, да се внимава на густината на сместување на животните во објектите и да бидат заштитени од директните дејства на сончеви зрачења, информираат од АХВ.
Животните кои се наменети за работа, нивниот транспорт и излегување да се врши во раните утрински или вечерни часови, кога температурите се ниски.
Доколку животните се држат во несоодветни услови, кога температурите се исклучително високи, со висок процент влага и недоволна вентилација во објектите може да дојде до појава на топлотен удар кај животните.