Министерството ги превзема сите активности за случајот со хеморагична треска

Министерството за здравство информираше за преземените активности во врска со двата смртни случаја од вирусна хеморагична треска. Велат, на 26-ти јули, по известување од директорот на Клиниката за инфективни болести, бил одржан итен состанок на Комисијата за заразни болести.

Епидемиолог од Институтот за јавно здравје извршил увид на клиниката, а пациентите се изолирани. Сите ги поврзува престој на бачилото каде што биле и починатите.

Доставени се материјали за испитување во земјава, Косово и во Тирана. Бил формиран тим за посета на Симница. Извршен е епидемиолошки увид, дезинфекција и дератизација, земени се мостри.

Имало и втор состанок по информацијата за примени нови три пациенти. Агенцијата за храна и ветеринарство спровела теренски увид на Бачилото.

Потоа се добиени позитивни резултати за присуство на Хантан вирус кај починатите лица.