Таравари на средба со директорката на Клиниката за гинекологија

Министерот за здравство Таравари на средба со директорката на Клиниката за гинекологија и акуштерство,  за случајот со трите починати новороденчиња. Пациентката која била во прва бременост, била третирана со инсулин и имала подврзување на грлото на матката. Претходно трипати била хоспитализирана во Клиничка болница во Тетово поради гинеколошко крварење, бил информиран ресорниот министер.

Со оглед на дијагнозата, а во интерес на новороденичињата, како и здравјето на мајката, бременоста била завршена оперативно со царски рез. По породувањето, новороденчињата се прифатени од педијатар и акушерка во операциона сала, при што е спроведена е примарна реанимација и се ставени во инкубатор и транспортирани на Одделението за интензивна неонатална нега и терапија, велат од Гинекологија.

Ги демантираат претходно изнесените тврдења од некои медиуми дека смртта на новороденчињата е поврзана со недостиг од соодветна опрема, односно инкубатори на клиниката. Од таму одговорно тврдат дека со родителите е разговарано во неколку наврати и им била објаснета состојбата на новороденчињата, третманот како и можните шанси за преживување. Но, и покрај сите напори и дадената терапија, новороденчињата, за жал, починале следниот ден.

Министерот Таравари во текот на денот ќе оствари средба со родителите на починатите новороденчиња како и со целокупниот персонал кој бил задолжен за грижа и нега на новороденчињата.

Од ресорот здравство соопштуваат дека доколку во извештајот од комисиите се констатираат неправилности во третманот на новороденчињата, веднаш ќе бидат преземени соодветни, законски мерки.