Спасовски: Состојбата стабилна, криминалот се намалува

Се намалува криминалот во главниот град на земјава. Безбедносната состојба е стабилна, изјави министерот за внатрешни работи Спасовски при посета на Секторот за внатрешни работи- Скопје. Сепак, неопходни се нови реформи.

На работниот состанок во просториите на СВР Скопје на министерот Спасовски му било укажано и на проблемите со кои се соочуваат вработените и на недостатокот на работен кадар.

Министерот Спасовски најави дека во следниот период ќе се посвети посебно внимание на нарушувањето на јавниот ред и мир, намалувањето на кривичните дела и на безбедноста во сообраќајот.