Променливо облачно со повремени врнежи од дожд

И попладне ќе продолжи врнежливото време, најмногу на истокот од земјава. Кон крајот на денот се очекуваат поизобилни врнежи на југот. Утринската температура се движи од шест до 14, а дневната температура од 16 до 24 степени.

Во Скопје- променливо облачнo. Ќе дува слаб до умерен североисточен ветер. Дневната температура ќе достигне до 21 степен.

Во следните денови ќе преовладува променливо облачно и свежо време, со слаб до умерен ветер од североисточен правец. До петок ќе има повремени врнежи од дожд со слаб до умерен интензитет, особено во јужните делови.

За време на викендот ќе има и сончеви периоди, но без позначителна промена на температурата.