Дождот ги зголеми нивоата на реките и езерата

По врнежите изминатите два дена, водостоите на повеќето реки низ Македонија се зголемени, информираат од Управата за хидрометеоролошки работи.

Зголемено е нивото на Вардар кај Велес и Демир Капија, како и на реката Брегалница. Сѐ уште под просекот за овој период од годината се водостоите на Треска, Пчиња и Црна Река.

Нивото на Дојранското Езеро е речиси три пати повисоко од просекот за ноември, додека на Преспанското и Охридското се во рамки на просекот, покажало хидролошкото мерење.