Одложена расправата за Предлог- буџетот за 2018-та

Седницата на собраниската Комисија за финансирање и буџет, на која требаше да се расправа за Предлог- буџетот за 2018-та година, е одложена, изјави претседателката на комисијата, Лилјана Кузмановска.

Таа не прецизираше кои се причините за нејзиното одложување, ниту пак кога ќе биде закажано продолжението на седницата.

Собраниската расправа за Предлог- буџетот за 2018-та година почна вчера во матичната Kомисија за финансирање и буџет. Според деловникот за работа, расправата треба да трае десет работни дена.