Цени на зелените пазари во ноември
На зелените пазари овој ноември најскапо се продава јаболкото. Кај гравот пак, иако се најавуваше помал род еден килограм чини само за четири проценти повеќе во однос на лани. Нелогична е цената на оризот која е поевтина и покрај двојно помалиот род годинава.
Карактеристика за минатиот месец е зголемената цена на јаболкото споредено со истиот период лани, како на зелените пазари така и на пазарите на големо. Ова се должи на раните пролетни мразеви кои го зафатија Ресенско- преспанскиот рергион.
Златениот делишес поскапел најмногу и чини 39 денати за килограм, односно за 43 проценти повеќе споредено со ланската цена.
Поскапо се продаваат кивито и калинката, а бананите, бадемите и цитронот се поевтини.
Од зеленчукот поевтино се продавале модар патлиџан за 44, бруколата 25, карфиолот 15 и за 13 проценти црвената пиперка.
Боранијата оваа година е поскапа за 28, зелката 16, цвеклото 7, гравот за 4 и оризот за 7 проценти.
Оризот лани чинел 68, а годинава иако родот и понудата се преполовени, на зелените пазари се продава за 63 денари за килограм.
Методија Трајков