Агенција за пошти: Онлајн тргување само со проверени продавачи

Кога некој продава неовластено на социјалните мрежи се обраќа до поштенски оператор. Тој  ја доставува пратката и при евентуално утврдување на оштетеност,  купувачот одговорноста ја префрла единствено врз операторите. Ова е најчест пример  со кој се соочува Агенцијата за пошти. Оттаму повикаа да се тргува онлајн само со проверени продавачи и да се внимава дали е лиценциран поштенскиот оператор. Според нив, потребно е заокружување на законодавството за претходно утврдување на правото на продавање преку социјалните мрежи.

Граѓаните можат да добијат и петнаесеткратна отштета доколку онлајн го не добијат производот. Сепак, тоа ретко се пријавува кај Агенцијата за пошти поради долготрајните постапки.

Агенцијата за пошти од наредната година ќе промовира портал и апликација кои ќе овозможуват електронско испраќање поплаки. Од Агенцијата побараа промени во Законот за поштенските услуги.

Во јануари 2019-та поштенскиот пазар треба целосно да се либерализира.

Ана Јосифоска- Тодровска