Виза за законот за ратификација на договорот со Бугарија
Собраниската Комисија за надворешна политика даде виза на Предлог- законот за ратификација на Договорот за добрососедство и соработка меѓу Република Македонија и Република Бугарија. Опозициската ВМРО-ДПМНЕ не учествуваше во расправата...
Едногласно и без присуство на опозицијата, собраниската Комисија за надворешна политика го усвои Договорот за пријателство, добрососедство и соработка меѓу Република Македонија и Република Бугарија.
Ратификацијата на договорот треба да придонесе за членство на Македонија во ЕУ и во НАТО, оцени предлагачот. Со договорот се предвидува формирање Комисија во Владата за разгледување на историските факти.
Новоформираната владина комисија ќе поднесува годишен извештај до надлежните, и до Софија и до Скопје, за развојот на добрососедството меѓу двете земји.
Ирина Гелевска