Османи: Постои придвижување, дебатата за името да не се води преку медиуми

Постои придвижување и не гледам друга алтернатива во однос на решавањето на прашањето за името. Клучно за успехот на овој процес е дебатата да не се одвива преку медиуми, изјави вицепремиерот за европски прашања Бујар Османи.

Не велам дека во еден момент нема да излеземе со сите опции, но процесот сѐ уште не е зрел за да можеме да го изложиме во јавноста. Тие што се обидуваат сега да наметнат различни теми за ова прашање што не се суштествени, се обидуваат да му одмогнат на процесот, а верувајте дека има сили кои не сакаат Македонија да го затвори прашањето и да успее, посочи Османи.

Вицепремиерот потврди дека од седум точки во преговорите, три се полесни, а четири се потешки, меѓутоа, додаде, ако сега почнуваме да лицитираме, дебатираме и да испраќаме пораки, тоа е моделот за неуспех.