Земјоделство

Продажба на земјиште на кое се изградени оранжерии

29.06.2018 10:29

Земјоделските стопанства кои имаат оранжерии можат да дадат понуда за купување на државното земјиште на кое се наоѓаат објектите. Цената се одредува според соодветни правилници, а сопственикот 30 години не ќе смее да го отуѓува земјиштето, односно најмалку 8 години да врши негова пренамена. На овој оглас не можат да учествуваат странски правни и физички лица.

Сопствениците на оранжерии можат да поднесуваат понуди за купување на државното земјоделско земјиште на кое се наоѓаат објектите.

Заинтересираните покрај другите документи треба да достават и проценка на пазарната вредност на парцелите, а земјиштето несмее да се отуѓува 30 години, или најмалку 8 години да се подарува или пренаменува.

Комисија од Министерството за земјоделство ќе направи листа на купувачи кои ги исполнуваат условите, а договорите ќе се склучуваат со добиена согласност од Владата.

Земјиштето може да се плати во целост веднаш по продажбата или на 5 до 10 годишни рати доколку се работи за физичко лице. Со склучување на договорот за купопродажба, престанува да важи договорот за закуп.

Сопственост на земјоделско земјиште во државна сопственост неможат да стекнат странски правни и физички лица.

Рокот за поднесување на понудите е 60 дена од објавувањето на јавниот повик.

 

Методија Трајков