Данкан: Референдумот ја одредува иднината на Македонија
Договорот што го потпишаа премиерите Ципрас и Заев е значаен чекор напред за Македонија, вели британскиот министер за Европа и Америка, сер Ален Данкан.
Референдумот ја одредува иднината на Македонија. Договорот што го потпишаа премиерите Ципрас и Заев е значаен чекор напред за Македонија, вели британскиот министер за Европа и Америка, сер Ален Данкан.
„Се надевам дека луѓето ќе учествуваат на референдумот на крајот на месецов. Сметам дека тоа ќе биде значаен чекор напред за Македонија и верувам дека сите, а особено младите луѓе ќе покажат интерес за одлуката. Ова е одлука за вас и јас како министер на друга држава не можам да ви кажам што треба да правите, но можам да ве замолам да учествувате на реферндумот. Младите луѓе треба да сфатат дека се работи за нивната иднина и да разберат дека е чекор напред што ќе и овозможи на Македонија да се придружи на другите земји во НАТО и ЕУ“, изјави Данкан по потпишувањето меморадум за изработка на енергетска стратегија на земјава за наредните 30 години со вицепремерот за економски прашања Кочо Анѓушев.
Нагласи дека се надева оти референдумот ќе биде успешен и ќе се донесе „чиста одлука“ што ќе ја одреди иднината на Македонија за декадите што доаѓаат.