Проект на Правниот факултет и УНХЦР: Правна клиника за право на бегалци

Правна клиника за правото на бегалците е заеднички проект на Правниот факултет и Високиот комесаријат за бегалци на Организацијата на Обединетите нации.

Во рамките на проектот ќе се активира студиската програма за  бегалците, мигрантите, лицата без државјанство и кризата на човековите права. Според деканот на Правниот факултет, од една страна, со програмата ќе се унапреди знаењето на студентите за човековите права, а од друга  ќе се запознаат со состојбите на мигрантите и лицата без државјанство.

Претставникот на УНХЦР , Дејан Кладарин, потенцира дека многу е важно што Правниот факултет  е отворен за прашањата кои се актуелни во светот. Заштита на бегалците ќе ги насоочи идните правници кон правичноста, пред се кон човечноста за овие горливи проблеми, рече Кладарин.    

Во светот има над 68 милиони мигранти, од кои 24, 4 милиони се бегалци, а над 10 милиони се лица без државјанство.         

Игор Панов