Почна вакцинацијата против сезонски грип
Во сите институти за јавно здравје, почна вакцинацијата против сезонски грип. Обезбедени се 41 илјада дози. Четиривалентната вакцина чини 650 денари. За сите луѓе над 65 години и со помалку од 14.480 денари пензија, имунизацијата е бесплатна...
Почнува вакцинацијата против сезонски грип. Во сите Центри за јавно здравје, граѓаните со потврда од матичен лекар ќе можат да ја примат новата четиривалентна вакцина која ќе ги штити од четири типа на инфлуенца. Министерството за здраство обезбеди 28 илјади бесплатни вакцини за луѓето над 65 години кои не примаат пензија, или пак нивните пензии се мали. Тие треба да имаат потврда, т.е. чек за висината на пензијата.
Хронично болните редовно се вакцинираат за заштита од сезонскиот грип. Сепак, дел од луѓето коишто ги анкетиравме велат дека имаат сомнеж за квалитетот на вакцините.
Министерството за здравство соопшти дека вакцините се набавени од француската фармацевтска компанија „Санофи Пастер“. Освен за пензионери, 13 илјади дози се за другите граѓани, кои ќе треба да дадат 650 денари.
Марина Стојанова- Тонева