На Груевски ќе му се суди во отсуство

На почетокот на рочиштето за предметот „Насилство во Центар“ судот донесе одлука на обвинетиот Никола Груевски, кој е во Унгарија, да му се суди во отсуство.

Обвинителството побара одредување мерка притвор за Груевски за оваа постапка. Одбраната со коментар дека Груевски е во Унгарија каде што бара политички азил, со што, според неа, не биле исполнети условите за судење во отсуство.

Судот по барањето за притвор на Груевски, со оглед дека е пратеник, кажа дека ќе одлучи по добивање на мислење за тоа.

Во судница се присутни останатите обвинети, меѓу кои и екс- министерот за транспорт и врски Миле Јанакиески, кој со полициско обезбедување беше донесен од притвор. Груевски и Јанакиески, заедно со повеќе лица се обвинети за насилствата во општина Центар во 2013-та година.