Прекумерна употреба на антибиотици
Светска недела за рационална употреба на антибиотици. Лекарите апелираат на разумност, фармацевтите тврдат- повеќе се умира од отпорност на лекови, отколку во сообраќајки...
Македонија е меѓу европски лидери по отпорност на населението на антибиотици, покажуваат анализите на Светската здравствена организација. Ова влијае на здравјето, но и на буџетот на Фондот.
Од Институтот за јавно здравје велат дека е потребно да се зајакне улогата на матичните лекари и фармацевтите.
Фармацевтите велат- повеќе луѓе умираат од отпорност на лекови отколку од сообраќајни незгоди. Граѓаните кои ги анкетиравме велат оти внимаваат и не земаат лекови на своја рака.
Консатирано е дека е потребно да се работи на едукацијата за да се спречи прекумерна и нерационална употреба на антибиотици.
Со неколку клучни пораки, се одбележува Светската недела за рационална употреба на антибиотици.
Александра Спировска