Собранието ќе одлучува за имунитетот на Груевски

До Собранието се поднесени пет барања за одземање на имунитетот на поранешниот премиер и пратеник Никола Груевски, кој пребега и доби политички азил во Унгарија. Ќе бидат разгледувани на седницата на Комисијата за деловнички и мандатно-имунитетни прашања.

Груевски е осуден на две години затвор за случајот „Тенк“. Обвинет е и во „Траекторија“, „ТНТ“, „Титаник“ и „Насилство во Центар“, за кои ќе му се суди во отсуство.

Екс- премиерот е осомничен и во неколку отворени истраги на Специјалното јавно обвинителство.