Состанок на високо ниво на француско- германската иницијатива против трговијата со огнено оружје во земјите од Западен Балкан

Париз е домаќин на состанокот на високо ниво на француско- германската иницијатива против трговијата со огнено оружје во земјите од Западен Балкан, а меѓу учесниците се и министрите за надворешни и за внатрешни работи Никола Димитров и Оливер Спасовски.

На состанокот заеднички претседаваат францускиот министер за Европа и за надворешни работи, Жан- Ив Ле Дриан и министерот за надворешни работи на Германија, Хеико Маас.

Во фокус ќе биде зголемувањето на бројот на мало и лесно оружје во регионот на Западен Балкан и постојаните предизвици за нивна ефективна контрола.